شوف الروابط بالمنتديات دون التسجيل

السلام عليكم ورحمة الله وبركاته

كثير من المنتديات لا يسمح لك بالاستفاده من محتوى اي موضوع الا بشرط التسجيل بالمنتدى ؟ طبعا والحمد لله منتدانا الغالي هذا مو من ضمنها
ومن اكثر ما يدبل كبد الزائر انه يكون مستعجل ومشغول وقاعد يدورله على رابط لبرنامج معين
او اي ملف معين هو يبيه عن طريق محرك البحث قوقل .. واخيراً يلقى الرابط اللي كان يدورعليه
ولكن في مجموعة من المنتديات ..وكل ما يدخل على منتدى يلقى مكتوب ( عفواً لقد تم حجب هذا الرابط عن الزوار .. يجب عليك التسجيل عشان تشوفه )
وبعض المنتديات الأخرى تتمادى في البثارة إلى درجة انها تقولك ( يجب عليك التسجيل والرد بعد عشان تشوف الرابط )

وتلقى الموضوع وصل عدد صفحاته إلى مليون او مليونين صفحه في احيان كثيره وكلها ردود لأعضاء تاريخ تسجيلهم يعود إلى عشر سنين
وعدد مشاركات كل عضو من هالأعضاء 1 مشاركة .. وكل الردود تكون من طقة : مشكووووووور - ويسلمووووووو - مشششكر خاااالص - ميرسي قدن
الله ياخذ روسكم تعبتوني وخليتوني اسجل واكتب رد وآخرتها الرابط خربان ..

الزبدة وبمحض الصدفة البحته .. احب اعلن عن طريقة تقدر تاخذ فيها الرابط اللي تبيه
من هالنوعية من المنتديات من غير تسجيل وبثواني معدودة فقط

مع خليك بالشارع وداعاً لهاك حجب الروابط عن الزوار .. وكلي فخر اني قدرت ابطل مفعول هالهاك الماصل ..

واليكم الطريقة ..

الخطوات:

:: 1 ::

على سبيل المثال كنت تبحث عن رابط انشوده MP3تبي تحملها ولقيتها بالمنتدى ..

طبعاً مثل ما انت شايف المحتوى مخفي وعشان تشوفه لازم تحط رد وعشان تحط رد لازم تسجل
ولاحظ عدد صفحات الموضوع وكلها يسلموووووو .. ابوووك يالمشوار ..

:: 2 ::

بهالحالة لا يطق بك عرق بل اجعل العرق يطق براعي المنتدى يومه يشوف عشرين الف زيارة للموضوع
ولا واحد من هالعشرين الف سجل عنده بالمنتدى وولارد جا للموضوع من هالعشرين الف زاير
وطبعاً هالعشرين الف زاير خذوا من الموضوع الي يبونه وهم يدعون لي من غير تسجيل ولا هم ..

فكيف تسوي ذلك؟!

اذهب الى أدوات الموضوع مثل اللي بالصورة وبكل بساطه اختر عرض نسخة للطبع ..

:: 3 ::

وبكل بساطة بتنفتح معك الصفحة التالية وبتلقى الروابط اللي بالموضوع كلها انكشفت قدامك ومن ضمنهم الرابط اللي كنت تدور عليه ..

انسخه والصقه في متصفحك واضغط انتر وانتهى الشرح ..

» ارتحال من مشكلة الروابط اللتي لا تعمل